Month: December 2023

  សម្រង់ប្រសាសន៍សំខាន់ៗរបស់សម្តេចមហបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ថ្លែងក្នុងពិធីប្រកាសផ្សព្វផ្សាយ “របាយការណ៍ថ្នាក់ជាតិ ស្តីពីលទ្ធផលចុងក្រោយនៃជំរឿនសេដ្ឋកិច្ចនៅព្រះរាជាណាចក្រកម្ពុជា ឆ្នាំ២០២២” នាព្រឹកថ្ងៃអង្គារ ទី២៦ ខែធ្នូ ឆ្នាំ២០២៣៖ សម្តេចធិបតី បានមានប្រសាសន៍ថា នេះជាព្រឹត្តិការណ៍ដ៏សំខាន់មួយ ក្នុងការប្រកាសដាក់ឱ្យប្រើប្រាស់ជាផ្លូវការនូវទិន្នន័យ និងព័ត៌មានអំពីអង្គភាពសេដ្ឋកិច្ច នៅព្រះរាជាណាចក្រកម្ពុជា ដែលនឹងត្រូវប្រើប្រាស់ជាធាតុចូលយ៉ាងសំខាន់ និង ច្បាស់លាស់ សម្រាប់ការរៀបចំគោលនយោបាយនានារបស់ជាតិ ឱ្យមានលក្ខណៈមុតស្រួច និងផ្អែកលើភស្តុតាងត្រឹមត្រូវដើម្បីឱ្យគោលនយោបាយ និងយុទ្ធសាស្ត្រនានារបស់ជាតិ ត្រូវបានអនុវត្តដោយជោគជ័យ និងចំគោលដៅ ។ សម្តេចធិបតី បានបន្តថា ទិន្នន័យ គឺសំខាន់ណាស់ ព្រោះជាផែនទី និងជាត្រីវិស័យសម្រាប់យើង ហើយបើយើងមិនមានទិន្នន័យ យើងច្បាស់ជាស្ថិតក្នុងស្ថានភាពវង្វេងផ្លូវ ។ ជាមួយនឹងទិន្នន័យច្បាស់លាស់ គឺជួយយើងឱ្យសម្រេចចិត្តបានត្រឹមត្រូវ និងគ្រប់ជ្រុងជ្រោយ ហើយក៏ជាមូលដ្ឋានក្នុងការព្យាករណ៍អំពីការប្រែប្រួលក្នុងពេលអនាគត សំដៅឈានទៅកំណត់អំពីទិសដៅ សកម្មភាព និងគោលនយោបាយនានា ដោយមិនប្រថុយប្រថាន និងអាចសម្រេចបានលទ្ធផលខ្ពស់ ។ ដោយហេតុថា ទិន្នន័យ និងស្ថិតិដើរតួនាទីសំខាន់នៅក្នុងគ្រប់ទិដ្ឋភាព សម្តេចធិបតី នាយករដ្ឋមន្ត្រី បានផ្តល់នូវអនុសាសន៍ […]

ពិតជាហួសចិត្តចំពោះលោក ឈឿន សុចិត្ត ស្នងការនគរបាលខេត្តកណ្តាលខ្លាំងណាស់ ខណៈដែលអង្គភាពយើងបានចុះផ្សាយអំពីការបណ្ដែតបណ្ដោយឲ្យជនជាតិខ្មែរចូលលេងល្បែងជល់មាន់ និង ល្បែងផ្សេងៗក្នុងកាស៊ីណូក្រោមដែនសមត្ថកិច្ចរបស់ខ្លួន លោកស្នងការមិនត្រឹមតែមិនចេញទប់ស្កាត់ឬបង្ក្រាបទេ តែបែរជាចេញលិខិតព្រមាន ចាត់ការតាមផ្លូវច្បាប់ចំពោះអង្គភាពសារព័ត៌មានដែលហ៊ាននិយាយការពិតទៅវិញឆ្កឺត ។ យើងខ្ញុំពិតជាមានការភិតភ័យជាពន់ពេកនៅពេលទទួលបានដំណឹងថា លោកស្នងការនឹងចាត់វិធានការណ៍ផ្លូវច្បាប់ចំពោះការចុះផ្សាយកាលពីថ្ងៃទី២៣ខែធ្នូឆ្នាំ២០២៣ ក្រោមចំណងជើងថា« វង់ល្បែងស៊ីសងនៅស្រុកស្អាង ស្រុកកោះធំ និង ក្រុងសំពៅពូន គេលេងយ៉ាងគគ្រឹគគ្រេង តែលោក ឈឿន សុចិត្ត ហាក់នៅសម្ងំស្ងៀមមិនឃើញឲ្យកូនចៅបង្រ្កាបឡើយ តើមានហេតុអ្វីទៅ ទាន ?» ដែលថា យករូបចាស់ជាយូរឆ្នាំមកប្រើប្រាស់ ។ ក្រុមការងារព័ត៌មានយើងខ្ញុំសូមលំអោនកាយគោរពជម្រាបលោកស្នងការខេត្តកណ្ដាលឲ្យបានជ្រាបថា យើងខ្ញុំគឺជាក្រុមព័ត៌មានអាជីពដែលទទួលបានអាជ្ញាប័ណ្ណពីក្រសួងព័ត៌មាន តែងតែអនុវត្តតាមគោលការណ៍ណែនាំពីរាជរដ្ឋាភិបាល គោរពតាមរបបសារព័ត៌មាននៃព្រះរាជាណាចក្រមក្ពុជា ដូច្នេះរាល់ការផ្សាយទាំងឡាយទោះបីពួកយើងគ្មានប្រាក់ខែពីរដ្ឋដូចអស់លោក ប៉ុន្តែពួកយើងខ្ញុំបានលះបង់កម្លាំងកាយ កម្លាំងចិត្ត ពេលវេលា និង ធនធានផ្ទាល់ខ្លួនជាច្រើន ចុះដល់មូលដ្ឋានព្យាយាមផ្តិតយករូបភាពដែលថ្មី និង ពិតដើម្បីបង្ហាញសាធារណៈជនបានជ្រាប ពោលគឺមិនព្យាយាម ប្រឌិតរឿង កែកាឡៃព័ត៌មានដើម្បីបន្លំភ្នែកដណ្ដើមយកប្រជាប្រិយភាពពីមហាជន ដូចក្រុមជនខិលខូចមួយចំនួនដែលចេះលត់ក្រាប ចេះសរសើរលើកជើង និង ចេះបិទបាំងអំពើអាក្រក់, អំពើល្មើសច្បាប់របស់ខ្លួន ហើយព្យាមយាមលាមព៌ណទម្លាក់កំហុសឲ្យអ្នកដទៃនោះឡើយ ។ ព័ត៌មានដែលអង្គភាពយើងខ្ញុំបានចុះផ្សាយនោះ គឺគ្រាន់តែមានចេតនាចង់ឲ្យអស់លោកជាសមត្ថកិច្ចស៊ីប្រាក់ខែរដ្ឋបានជ្រាបនិងចុះទប់ស្កាត់ឬបង្ក្រាបតាមវិជ្ជាជីវៈ ដើម្បីប្រយោជន៍សាធារណៈតែប៉ុណ្ណោះ […]

ផ្សាយចេញពីរាជធានីភ្នំពេញា ខេត្តកណ្តាល ÷ តាមគោលការណ៍របស់រាជរដ្ឋាភិបាលបានកំណត់ឲ្យល្បែងស៊ីសងគ្រប់ប្រភេទគឺអាចបើកលេងបានតែនៅក្នុងកាស៊ីណូដែលនៅឆ្ងាយពីរាជធានីរាប់រយគីឡូម៉ែត្រប៉ុណ្ណោះ ដើម្បីរកចំណូលជូនរដ្ឋមែន តែរាជរដ្ឋាភិបាលក៏មានលក្ខខណ្ឌកំណត់ ឬ បទបញ្ញត្តិមួយចំនួនសម្រាប់ឲ្យម្ចាស់កាស៊ីណូក៏ដូចជាអ្នកចូលទៅលេងកំសាន្តអនុវត្តតាមផងដែរ ដូចជាគេតម្រូវឱ្យតែបរទេសចូលកម្សាន្តប៉ុណ្ណោះ រីឯប្រជាពលរដ្ឋខ្មែរមិនត្រូវបានអនុញ្ញាតឲ្យចូលលេងឡើយ ។ ផ្ទុយទៅវិញកាស៊ីណូជាច្រើនទៅតាមជាយដែនកម្ពុជា-វៀតណាម ពិសេសកាស៊ីណូជ្រៃធំ ខេត្តកណ្ដាល គេសង្កតឃើញថា ហាក់មិនសូវមានជនជាតិបរទេស និង ប្រជាជនជាតិវៀតណាមចូលលេងច្រើននោះទេ គឺភាគច្រើជនជាតិខ្មែរចូលលេងតែម្ដង ដែលជាក្តីបារម្ភមួយសម្រាប់ប្រជាពលរដ្ឋយើងត្រូវប្រឈមនឹងភាពវិនាសហិនហោច អន្តរាយទ្រព្យសម្បត្តិ ឬ ក៏អាចរងនូវអំពើហឹង្សាដោយសារកាស៊ីណូ ។ ក្រៅពីមានបើកឲ្យលេងល្បែងក្នុងកាស៊ីណូស្របច្បាប់ គេក៏ឃើញនៅតាមភូមិ ឃុំ ស្រុក មួយចំនួនក្នុងខេត្តកណ្តាល ជាពិសេសឃុំស្រុកនៅជាប់ព្រំដែនវៀតណាមដូចជានៅស្រុកស្អាង ស្រុកកោះធំ និង ក្រុងសំពៅពូនជាដើម គឺកំពុងបើកលេងល្បែងស៊ីសងច្រើនប្រភេទមិនស្របច្បាប់ ទាំងលេងផ្ទាល់ និង លេងតាមប្រព័ន្ធ Online ដូចជាមាន់ជល់ ហ្គេមបាញ់ត្រី ឡូតូ បៀ អាប៉ោង យូគី ជាដើម មិនចាញ់កាស៊ីណូឡើយ ពោលគឺគេលងនៅតាមផ្ទះ តាមហាងកាហ្វេនានា ជាពិសេសសង្វៀន Mega Galaxy 168 តែម្តងធ្វើឲ្យក្រុមអ្នកបើកល្បែងស៊ីសងមិនស្របច្បាប់ទាំងនោះកំពុងត្រូវប៉ាន់ សប្បាយកើបលុយពីអ្នកញៀនល្បែង ទាំងជនជាតិខ្មែរ […]

ផ្សាយចេញពីរាជធានីភ្នំពេញ ខេត្តកំពត ÷ ប្រជាពលរដ្ឋរស់នៅក្នុង ភូមិអណ្ដូងខ្មែរ សង្កាត់អណ្តូងខ្មែរ ក្រុងកំពតមានការភ្ញាក់ផ្អើលយ៉ាងខ្លាំង បន្ទាប់ពីមានមន្ត្រីបរិស្ថានមួយក្រុមលួចចុះទៅវាស់វែងបោះបង្គោលព្រំលើដីរបស់ពួកគាត់ដែលបានកាន់កាប់យូរឆ្នាំ រហូតអ្នកខ្លះមានប្លង់ត្រឹមត្រូវ ក្នុងបំណងប្រគល់ឲ្យអ្នកដទៃដែលមានទ្រព្យ មានអំណាច មានបក្សពួកនៅខេត្តកំពត ដោយយកឡេះថា ជាការវិនិយោគតំបន់ទេសចរណ៍ធម្មជាតិខ្នាតតូច លើផ្ទៃដីទំហំ៦៤ហិកតានៅខាងជើងវត្តវាលពួច ស្ថិតក្នុងភូមិអូរតូច ឃសង្កាត់អណ្ដូងខ្មែរ ក្រុងកំពត ខេត្តកំពត ដែលដីនោះជាដីកម្មសិទ្ធិរបស់ពួកគាត់បានអាស្រ័យផលជាក់ស្ដែងយូរឆ្នាំមកហើយ ។ ប្រជាពលរដ្ឋបាននិយាយឲ្យដឹងថា ការពិតដីនៅក្នុងតំបន់នេះ បើយោងលិខិតរបស់ទីស្តីការគណៈរដ្ឋមន្ត្រីលេខ៤៣៧.ស.ជ.ណ.ដប ចុះថ្ងៃ ទី១០ ខែមិថុនា ឆ្នាំ២០២២ ចុះហត្ថលេខានិងបោះត្រាដោយរដ្ឋលេខាធិការលោក កែន សត្ថា និង លិខិតរបស់ក្រសួងបរិស្ថានលេខ ១៤៣៤ ស.ជ.ណ ប.ស្ថចុះថ្ងៃទី០៨ ខែសីហា ឆ្នាំ២០២២ ចុះហត្ថលេខា និងបោះត្រាដោយលោក សូ ខនឬទ្ធីគុណ បានតម្រូវឲ្យកាត់ឆ្វៀលចេញប្លង់កម្មសិទ្ធិជូនប្រជាពលរដ្ឋរួចទៅហើយ ប៉ុន្តែមិនដឹងរឿងអី អាជ្ញាធរជំនាញមិនព្រមអនុវត្តតាមសោះ គឺបានអូសបន្លាយពេលទុកយ៉ាងយូរ ទំនងជាលេសដើម្បីងាយស្រួលពួកគេមានគំនិតទុច្ចរឹត បែងចែកឲ្យអ្នកមានលុយ មានទ្រព្យ មានអំណាចយកទៅឆៅៗតែម្តង ដោយគ្របលើដីចំការប្រជាពលរដ្ឋ ដែលមានឈ្មោះក្នុងគំនូសផែនទីចំនួន៨ប្លង់ ក្នុងមួយប្លង់មានទំហំ៨ហិកតា ។ នេះគ្រាន់តែជាតំបន់ទីមួយប៉ុណ្ណោះ […]

  ផ្សាយចេញពីរាជធានីភ្នំពេញ÷ ខេត្តពោធិ៍សាត់÷នៅព្រឹកថ្ងៃទី 20 ខែធ្នូឆ្នាំ 2023 នៅសាលប្រជុំរដ្ឋបាលខេត្ត ពោធិ៍សាត់ មានបើកសន្និបាតបូកសរុបលទ្ធផលការងារប្រចាំឆ្នាំ 2023 និងលើកទិសដៅអនុវត្តការងារឆ្នាំ 2024 ដោយអនុវត្តរយៈពេល 2 ថ្ងៃក្នុងថ្ងៃទី 20 ដល់ថ្ងៃទី 21 ខែធ្នូ។ ពិធីនេះមានការចូលរួមជាអធិបតីពីសំណាក់លោកកែវ រតនៈ រដ្ឋមន្ត្រីក្រសួងរ៉ែនិងថាមពលនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តពោធិ៍សាត់ លោកប្រធានក្រុមប្រឹក្សាខេត្ត លោកខូយ រីដា អភិបាលនៃគណៈអភិបាលខេត្តពោធិ៍សាត់ព្រមទាំងមានការចូលរួមពីកម្លាំងប្រដាប់អាវុធ មន្ត្រីរាជការជុំវិញមន្ទីរអង្គភាពខេត្តជាច្រើនរូបទៀត។ ជាកិច្ចស្វាគមន៍លោកខូយ លីដាអភិបាលនៃគណៈពិបាលខេត្តពោធិ៍សាត់បានថ្លែងឲ្យដឹងពីសមិទ្ធផលនានាដែលរដ្ឋបាលខេត្តបានអនុវត្តដោយជោគជ័យកាលពីឆ្នាំ 2023 កន្លងមកដូចជាផ្សព្វផ្សាយការប្រឡងប្រណាំងនូវគោលនយោបាយភូមិឃុំមានសុវត្ថិភាព និងអនុវត្តទិសដៅការងារមាន៤ចំណុចគឺទី១.ការចុះអត្រានុកូលដ្ឋានគ្រប់ប្រភេទជូនប្រជាពលរដ្ឋ ទី 2.ការលើកកម្ពស់គុណភាពនិងប្រសិទ្ធភាពក្នុងការពង្រឹងសន្តិសុខសណ្ដាប់ធ្នាប់និងសុវត្ថិភាពសង្គម។ ៣.ការដោះស្រាយវិវាទដីធ្លីនិងវិវាទក្រៅប្រព័ន្ធតុលាការនៅមូលដ្ឋាននិង៤.ការបង្ការ បង្ក្រាប ទប់ស្កាត់បទល្មើសធនធានធម្មជាតិ ព្រមទាំងអនុវត្តការងារសំខាន់ៗមួយចំនួនទៀត។ ក្នុងឱកាសនោះដែរ លោកកែវ រតនៈ រដ្ឋមន្ត្រីក្រសួងរ៉ែនិងថាមពលនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តពោធិ៍សាត់ បានថ្លែងកោតសរសើរចំពោះរដ្ឋបាលខេត្តពោធិ៍សាត់ដែលបានខិតខំយកអស់ពីចិត្តពីថ្លើមក្នុងការបំពេញភារកិច្ចជូនរដ្ឋនិងប្រជាជននាឆ្នាំកន្លងមកប្រកបដោយជោគជ័យ។ ជាមួយនេះលោកបានជំរុញឲ្យគ្រប់ស្ថាប័នក្នុងខេត្តទាំងអស់ត្រូវតែយកចិត្តទុកដាក់បំពេញភារកិច្ចជាបន្តទៀតដោយធ្វើយ៉ាងណានៅឆ្នាំ 2024 ខាងមុខទទួលបានលទ្ធផលជាវិជ្ជមានលើសពីឆ្នាំ 2023 នេះ។ បន្ទាប់មក គណៈអធិបតីក៏បានអញ្ជើញផ្ដល់បានសរសើរ លិខិតសរសើរ ចំពោះមន្ត្រីមានស្នាដៃល្អដែលអនុវត្តការងារកន្លងមកព្រមទាំងពិនិត្យមើលការតាំងសមិទ្ធផលនានាដែលខេត្តពោធិ៍សាត់ទទួលបានគួរឲ្យមោទនភាព៕

  ផ្សាយចេញពីរាជធានីភ្នំពេញ÷ ក្រចេះ÷ការរំលោភបំពានយកដីរដ្ឋពីសំណាក់ជនអគតិមួយចំនួននៅតែកើតមានជាបន្តបន្ទាប់ទោះអាជ្ញាធរថ្នាក់ក្រោមជាតិនិងអាជ្ញាធរមូលដ្ឋានខិតខំទប់ស្កាត់យ៉ាងណាក៏ដោយ។ សម្រាប់ខេត្តក្រចេះវិញបទល្មើសរុករានទន្រ្ទានយកដីរដ្ឋពីសំណាក់អ្នកមានលុយមានអំណាចនិងមានបក្សពួកកើតមានព្រោងព្រាតដោយពួកគេមិនញញើតក្នុងការបំពានប្រើគ្រឿងចក្រទៅឈូសឆាយយកដីព្រៃជាសម្បត្តិរដ្ឋមកធ្វើជាកម្មសិទ្ធិផ្ទាល់ខ្លួននោះឡើយ។ដូចជាករណីមួយនេះសមត្ថកិច្ចចម្រុះខេត្តក្រចេះបានចាប់ឃាត់គ្រឿងចក្រមួយគ្រឿងរួមនិងអ្នកបើកបរម្នាក់ពាក់ព័ន្ធនឹងករណីឈូសឆាយដីព្រៃខុសច្បាប់ នៅចំណុច ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ ។ ប្រតិបត្តិការនេះធ្វើឡើងកាលពីរសៀលថ្ងៃទី១៩ ខែធ្នូឆ្នាំ២០២៣នេះ ដោយមានការសហកាចូលរួមពីមន្ត្រីបរិស្ថានខេត្ត មន្ត្រីរដ្ឋបាលព្រៃឈើ កម្លាំងកង រាជអាវុធហត្ថលើផ្ទៃប្រទេស រួមនឹងកម្លាំងកងរាជអាវុធ ហត្ថស្រុកអូរគ្រៀងសែនជ័យផង បានសម្រេចចាប់រឹបអូសយកគ្រឿងចក្រមួយគ្រឿងនេះយកទៅរក្សាទុកនៅសង្កាត់រដ្ឋបាលព្រៃឈើអូរគ្រៀង ដើម្បីកសាងតាមនីតិវិធី។ សមត្ថកិច្ចបានឲ្យដឹងថាគ្រឿងចក្រមួយគ្រឿងនេះបានធ្វើសកម្មភាពឈូសឆាយដីគម្របព្រៃនៅចំណុចខាងក្រោយស្នាក់ការរដ្ឋបាលព្រៃឈើអូរគ្រៀងចំងាយប្រមាណជា៥០០ម៉ែត្រ និងគោលបំណងរំលោភយកដីរដ្ឋធ្វើជាកម្មសិទ្ធិរបស់ខ្លួន ហើយសមត្ថកិច្ចបានឃាត់ខ្លួនអ្នកបើកបរគ្រឿងចក្រឈ្មោះ រស់ យិន ភេទប្រុស អាយុ២៥ឆ្នាំ មុខរបរ បើកបរ មានទីលំនៅភូមិអូរគ្រៀង ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ ផងដែរ។ លោក រុន តូនី នាយរងសង្កាត់រដ្ឋបាលព្រៃឈើអូរគៀងបានឲ្យដឹងថា ជាមួយនឹងប្រតិបត្តិកាបង្ក្រាប គ្រឿងចក្រឈូសឆាយដីព្រៃនៅចំណុចទីតាំងខាងលើសមត្ថកិច្ចក៏បានចាប់ឃាត់ ខ្លួនអ្នកបើកបរម្នាក់ដើម្បីសាកសួរតើគេថ្លើមធំហ៊ានឈូសឆាយដីគម្របព្រៃឈើរបស់រដ្ឋយកធ្វើជាកម្មសិទ្ធិនេះតាមបញ្ជាបុគ្គលណាឬធ្វើដោយផ្ទាល់ខ្លួនឯង? ករណីនេះសមត្ថកិច្ចកំពង់សាកសួរនៅឡើយដើម្បីមានមូលដ្ឋានកសាងសំណុំរឿងចាត់ការទៅតាមនីតិវិធីច្បាប់។

ផ្សាយចេញពីរាជធានីភ្នំពេញ÷ ខេត្តត្បូងឃ្មុំ÷ល្បែងស៊ីសងខុសច្បាប់តាមអនឡាញ៍ និងលេងផ្ទាល់ ដូចជាបៀ អាប៉ោង មាន់ជល់ យូគី ។ល។កំពុងបើកលេងយ៉ាងត្រជាក់ចិត្ត នៅក្នុងភូមិសាស្រ្ត ស្រុកចំនួន៣គឺស្រុកត្បូងឃ្មុំ ស្រុកក្រូចឆ្មា និងស្រុកមេមត់ នៃអាណាចក្រខេត្តត្បូងឃ្មុំគ្មានសមត្ថកិច្ចណាអើពើចេញទប់ស្កាត់ ឬ បង្ក្រាប ហើយបើបានបង្ក្រាបវិញធ្វើម្ដងម្កាលគ្រាន់តែល្អមើលប៉ុណ្ណោះ ។ តាមសេចក្តីរាយការណ៍ពីប្រជាពលរដ្ឋប្រាប់ថា ល្បែងស៊ីសងទាំងនេះបើកលេងដូចជានៅចំណុច ឃុំ ម៉ង់រៀវ ឃុំជីគរ ភូមិគៀនចក ឃុំល្ងៀង ស្រុកត្បូងឃ្មុំ ភូមិធ្លក សង្កាត់សួង ក្រុងសួង  ឃុំទ្រា ស្រុកក្រូចឆ្មា និងភូមិមេមត់ ឃុំមេមត់ត្រង់ចំណុចចំការសណ្តែក  ឃុំជាំ ស្រុកមេមត់ ជាដើម ។ អ្នកស្រុករាយការណ៍ឲ្យដឹងថា ទីតាំងខាងលើនេះពោរពេញទៅដោយល្បែងស៊ីសងគ្រប់ប្រភេទ ដូចជាក្នុងឃុំ ជីគរ និងឃុំម៉ង់រៀវ ស្រុកត្បូងឃ្មុំមានមនុស្សពពាក់ពពូននាំគ្នាលេងល្បែង មាន់ជល់ និងអាប៉ោង ដែលការបើកលេងរបស់គេនោះគឺហាក់គ្មានការក្រែងញញើតច្បាប់អីបន្តិចសោះឡើយ ។ ប្រភពពីអ្នកលេងល្បែងម្នាក់បានប្រាប់ ជីវិត និង កីឡាថា ម្ចាស់ទីតាំង ខាងលើនេះគឺជាកម្មសិទ្ធិរបស់លោក ហួត ហាន ដែលធ្លាប់មានរឿងអាស្រូវរហូតដល់ជាប់ពន្ធនាគារម្តងរួចមកហើយ […]

  ផ្សាយចេញពីរាជធានីភ្នំពេញ ខេត្តកំពត ÷ នៅក្នុងខែធ្នូឆ្នាំ២០២៣នេះគេបានមើលឃើញថា លោក ម៉ៅ មធុរិទ្ធ ស្នងការប៉ូលីសខេត្តកំពត ហាក់ដូចជាមមាញឹកខ្លាំងតែរឿងចាត់ការលើមន្ត្រីតាមក្រោមឱវាទរបស់ខ្លួនដែលបានប្រព្រឹត្តិល្មើសវិន័យកងកម្លាំងនគរបាលជាតិតែប៉ុណ្ណោះ ។ គេនៅចាំបានថា កាលពីថ្ងៃទី៨ខែធ្នូកន្លងមកលោកបានដកបញ្ឈរជើងនាយនគរបាលថ្នាក់វរសេនីយ៍២រូប គឺលោកវរសេនីយ៍ត្រី សែម សីហា អធិការរង និង លោក វរសេនីយ៍ត្រី គង់ កប នាយប៉ុស្ដិ៍នគរបាលរដ្ឋបាលស្រែចែង នៃអធិការនគរបាលស្រុកជុំគីរី ដែលបានអនុវត្តតួនាទីភារកិច្ចផ្ទុយពីវិន័យលេខ០០៦ បបជ របស់កងកម្លាំងនគរបាលជាតិ ។ មួយសប្ដាហ៍ក្រោយមក ពោលគឺនៅថ្ងៃទី១៦ខែធ្នូនេះ លោកស្នងការក៏ទ្រាំលែងបានដាច់ចិត្តប្រកាសបណ្ដេញលោកអនុសេនីយ៍ឯក មាស ពិសិដ្ឋ អធិការរងក្រុងកំពតមួយរូបទៀតចេញពីក្របខណ្ឌប៉លីស ខណៈដែលមន្ត្រីរូបនេះមិនប្រើសិទ្ធជាសមត្ថកិច្ចដើម្បីបង្ក្រាបគ្រឿងញៀនបែរជាប្រព្រឹត្តបទល្មើសសេពគ្រឿងញៀន ខ្លួនឯងទៅវិញ ។ ឥឡូវនេះស្រាប់តែមានរឿងថ្មី និង ប្លែកមួយទៀតបានបែកធ្លាយថា លោកវរសេនីយ៍ត្រី ម៉ឹង សុវណ្ណ អធិការរងស្រុកជុំគីរី ថ្លើមធំហ៊ានផ្ញើរសារលេបខាយប្រពន្ធគេ ដែលរត់មកប្ដឹងគាត់ឲ្យជួយដោះស្រាយជម្លោះរឿងប្ដីប្រើហឹង្សាលើរាងកាយ និង ផ្លូវភរទ។ សម្រាប់រឿងថ្មីមួយនេះគឺអង្គភាពយើងទទួលបានក្នុងពេលដែលក្រុមការងារនៃការិយាល័យនិពន្ធសារព័ត៌មាន ជីវិត និង កីឡាកំពុងបំពេញភារកិច្ចរបស់ខ្លួនប្រចាំថ្ងៃនោះ ស្រាប់តែមានស្ត្រីម្នាក់ឈ្មោះ វ វ […]